Bharatiy parampara mein tulasi ke paudhe (tulsi plant) ka apana alag mahatv hai. Ham tulasi ki pooja karate hain. Zyadatar gharon mein tulasi ka paudha zaroor rakha jata hai. Isamen bahut se aushadheey gun paye jaate hain.
Tulasi ke paudhe se hone vale fayade vastushastr ke anusar agar kisi ka vyapaar theek nahin chal raha hai to ghar mein tulasi ke paudhe ko dakshin-pashchim ( south-west ) mein rakhana chahie aur har shukravar ko tulasi ke paudhe mein subah kachcha doodh chadhaana chaahie. Aisa karane se vyaapaar mein laabh mil sakata hai. Ghar mein tulasi ke paudhe ko rakhane ke jahaan kae dharmik karan hote hain, vaheen vaigyaanik ( scientific ) drshti se bhi isaka kafi mahatv mana jata hai.
Mana jata hai ki tulasi ke patte khaane se sharir ka khoon saaf hone ke saath-saath tvacha ( skin ) bhi svasth rahati hai. Kaha jata hai ki ghar mein jis jagah tulasi ka paudha hota hai, vahaan machchhar aur chhote keede nahin aate hain.
TULSI SE HONE WALE SWASTHY LABH
Dharmik drshti se tulasI ka vishesh mahatv to hai hi, saath hi medical ki drshti se bhi isaka vishesh mahatv hai. shareer ko svasth rakhane tatha rogon se nijaat dilane mein tulasi bahut sahaayak hai.
BUKHAR
Miyadee bukhaar maleriya aur sardi se hone vaale bukhaar tatha pasali ke dard mein tulasi ke 10 patton ka ras shahad mein milaakar din mein teen baar sevan karen. Aisa karne se na sirf bukhar jaldi thik hoga balki dard me bhi aaram milega.
SARDI – KHANSHEE
Sardi ki shikayat hone par tulasi ke patton ka ras, adarak ka ras aur pan ka ras samaan matra mein lekar usamen kali mirch ka choorn va shahad milakar din mein teen baar sevan karana chahie. Agar bahut zyada khansi ho, to isase nuskhe ko kaala namak milaakar sevan kiya ja sakata hai.
PET KA KEEDA
Umr ke anusaar tulasi ke 5 se 10 patte gud ( jaggery ) milaakar khaana chaahie. Isase pet ke keede mar jaate hain ya phir malamarg se nikal jaate hain aur pet saf ho jata hai aur dard bhi nahi hota hai.
DAAD
Daad hone par tulasi ka ras nikaal kar din mein 2 -3 baar lagaen, Isase daad poore tarah theek ho jaata hai.
PET KA DARD
Pet dard hone par sendha namak dalakar tulasi ke patton ka banaya hua kaadha peene se turant laabh pahunchata hai. Kaadhe mein 10-15 patte bhi daalane chaahie. Yah kaadha asthama kee bimari mein bhi labhakar hai.
SAAP KE KATNE PAR ( SNAKE BITE )
Yadi saap ne kaat liya ho, to tulasi ki jadh ko kate hue bhaag par pis kar lagaana chaahie aur tulasi ke patte adhik se adhik khilaana chaahie.
ULTEE ( VOMIT )
Yadi kisi ko ultee ( vomit) ho rahi ho, to tulasi ke ras ko pudeena evan saumph ke ark mein milaakar pilane se ultee turant band ho jaati hai.
DIMAG KE LIYE FAYDEMAND
Dimaag ke lie bhi tulasi ke fayade lajawab tareeke se kaam karate hain. Isake rojana sevan se mastishk ( mind ) ki karyakshamata badhati hai aur yaadadaasht ( memory ) tej hoti hai. Isake liye rojaana tulasi ki 4-5 pattiyon ko paanee ke saath nigalakar khaen.
IMMUNITY POWER KO BADHANE ME MADAD KARE
Tulasee (tulsi plant) ke niyamit sevan se shareer kee rog pratirodhak kshamata badhati hai jisase sardi-jukaam aur any sankramak bimariyon se bachaav hota hai. 20 graam tulasi beej choorn ( tulsi saiaids powdair ) mein 40 graam mishree milaakar pis kar rakh len.
Sardiyon mein is mishran ki 1 graam maatra ka kuchh din sevan karane se shareerik kamajori door hoti hai, sharir ki rog pratirodhak kshamata badhati hai aur vaat aur kaph se jude rogon se mukti milati hai. Isake alawa 5-10 mili krshn tulasi-patr svaras mein dogunee maatra mein gaay ka gunguna ghee milaakar sevan karane se bhi vaat aur kaph se jude rogon se aaraam milata hai.
TULSI SE HONE WALE SWASTHY HAANI
Waise to tulasI sehat kI drIshti se achchhee hotI hai, lekin isake kuchh side – effects bhi hain.
1. TulasI mein khoon ko patala karane kI kshamata hai. Hala ki yah hanikarak nahin hai. Par yadi aap khoon patala karane ke lie davaiyon ka sevan kar rahe hain to doctor ki salah lekar hi tulasi khaen .
2. Tulasi ka sevan karane se purushon ( gentle) ki prajanan kshamata par vipareet prabhaav padata hai. Isase shukranuon ki sankhya aur gatisheelata mein kami aati hai.
3. Tulasi mein Istraagol naamak tatv paaya jata hai, jisake karan yootras mein sankuchan ho sakata hai. Isalie garbhavastha ke dauran tulasi ka sevan karane se parahez karana chahie.
4. Bahut se adhyayanon se siddh hua hai ki tulasi blood sugar leval ko kam kar sakati hai isalie yadi aap blood sugar ghatane ke liye dawa le rahe hain to tulasi isake prabhav ko badha sakati hai aur blood sugar kafi kam kar sakati hai. Agar aap diabetes ki dawa le rahe hain to doctor ki salah lekar hi tulasi ka sevan karen.
5. Tulasi mein iron paya jata hai. Isalie ise chabakar khane se aapake danton par dag pad sakata hai. Atah chabane ki bajay tulasi ke patton ko ghont len.
6. Garbhaavastha mein tulasi ke sevan se door rahana chaahie. Saath hi jo mahilaen ( ladies ) apane bachchon ko stanapaan ( mother feeding ) karati hain unhen bhee tulasi ka sevan saavadhaani se karana chaahie ya to nahin karana chaahie.
7. Diabetes dava kha rahe logon ko tulasi nahin khaani chaahie kyonki isase ‘blood sugar’ leval kam hota hai.
8. Garm taaseer ki hone ke kaaran tulasi ka atyadhik sevan pet mein jalan paida kar sakata hai. isalie seemit maatra mein hi prayog karen.
To dosto umeed hai apko tulsi ke fayde aur nuksan ki betar jaankari mil jaegi es article ke jariye. Tulsi ke fayde to bahut hai jisse hme kafi labh bhi hota hai. Aur kisi tarah ki jaankari ke liye aap mujhe comment me puch sakte hai.
