Kheti Kaise Kare – Kheti Ke Tips Aur Tarike
Agar sawdhani purbak Kheti kiya jaye, toh ap ban sakte hai amir . Aise bahut se log hai jinhone apni naukri chor kar kheti karna shuru kiya or aj wah ek khushal jeevan bita rahe hai. Toh chaliye jante hai kheti kaise kare, adhunik kheti kya hai or jayda paise kaise kamaye.
Doston aj kal ke adhunik daur me kheti karna behad assan ho gaya hai. kyon ki sarakar dwara aise bahut si yojnaye hai jin se apko bharpur labh mil sakta hai, jaise ki:- kheti ke liye loan, acche beej, kuch jagaho par kisaano ke liye school bhi khole gaya hai.
Aj kal T.V .me bhi adhunik kheti kaise kare? uske bare me bataya jata hai, or to or ap kisaan call centre me phone karke bhi, kheti ke bare me puri janjkari le sakte hai.
Safalta purvak kheti karni ho toh rakhe in baato ka dyan:-
1. Apne Ap Ko Tayiyar Kare :-
Kheti koi partime job nahi hai jise kabhi bhi or kaise bhi kare, iske ke liye apko mansik tour pe taiyar hona padega or isme sharirik mehnat bhi bhot hai.
2. Ek Safal Yozna:-
Sabse pehle ap ek acchi yozna banaye ki :- apke pas kitna jameen hai or us pe ap kis chiz ki kheti karna chahte hai. Ap jis bhi fasal ka chayan kare uske bare me acche se jaan le, jaise ki :-apko kitna khracha yaega, fasal ko pakne me kitna wakt lagega , or kitne mazhdooro ki jarurat padh sakti hai, market me uski demand hai bhi ya nahi, agar demand acchi hai toh ap jayada paisa kama sakte hai.
3. Kon Si Kheti Kare :-
Ap jis bhi ilake me rehte hon waha ki jalwayu kaisa hai? Waha kon si fasal acche se uug sakti hai, waha ka mitti kis prakar ka hai, waha pani ki subidha kaisi hai.
Udharan ke taur pe, agar ap sukhe ilake me rehte hai toh apko kapas ki kheti karni chaiye jisme pani kam se kam lagta hai or munafa bhi jayada hota hai.
Agar ap aise ilake me rehte hai jaha pani ki subidha acchi hai or jaha accha barsaat hota ho toh, aise me apko chwal jaise fasalo ki kheti karni cahiye jisme pani ki jarurat jayada hoti hai.
4. Mittee Ke Prakar Or Usme hone Wali Kheti:-
Jalodh mittee:- is trah ki mittee uttar bharat me paya jata hai. Yeh nadiyon se beh kar ane wali num mitte hoti hai jisme bharpur matra me khanij paye jati hai. Is mittee me Potas or adrata hone ke karan yaha par chawal, gehu, ganna,kapas or patsan ki kheti kar sakte hai.
Kali mittee:- iske naam se hi pata chal raha hai is mittee ka rang dekhne me kala hota hai. Is mitte me namak khaniz paya jata hai . Isme phosphorus jayada paya jata hai mukhayta yah pahadi sehtra ki mitti hai or isme jyada tar, kapas, mungfali or ganne ki kheti acchi hoti hai.
Balua Mittee:- is trah ki mittee sukhi huie or rateli hoti hai. Isme pani ki kami hoti hai yah baharat ke sukhe pradehso me paya jata hai. Pani ki acchi subidha hone par hi yaha kheti karna sambhav hai . Yaha par jayada tar baajre or Jau ki kheti hoti hai.
Letarait mittee:- yeh mittee jayada barsaat wale shetra me paye jati hai, khas kar sumundri ilako ke pas . Isme iron ki matra jayada hone ke karan iska rang laal jaisa ho jata hai. Yaha par ap kazu, rubber, chai or coffee jaise fasal uga sakte hai.
Pahadi Mittee:- yeh mittee jayada tar himalay ke pahado me paya jata hai or is tarah ki mitthi me nami bhot hoti hai isliye yaha par masala, chai patti, coffee or anek trah ke faal ugaya jata hai.
5. Kheti Me Hone Wala Lagat – Samajh dari se Kheti Kaise Kare:-
Kheti karne se pehle hone wale kharche ka hisab kar lena chaiye:-
- Kuch fasal aise hote hai joh kam kharche me ho jate hai or kuch fasalo me lagat jayda aati hai.
- Apko kitne majdooro ki jarurat padegi or unhe kitni majhdoori deni padh sakti hai.
- Fasal ke beezh ya poudha kitna mehanga ho sakta hai or kitni sankhya me ap poudha lagana chahte hai.
- Fasal se pehle ap khaad or kit nasahak me hone wale kharch ka hisab laga le.
- Jab fasal tayiyar ho jaye use baazar me le jane ka kharcha yityadi bato ka dhayn rakhe.
- Upar bataye gaye bato ka jarur dhyan rakhe or kheti me hone wale kharche ka anuman laga taki apko age chal kar koi nuksaan na hon.
6. Ek Choti si Shuwat Kare:- Agar ap pehli baar kheti karne ka soch rahe hai ya fir kuch nayi fasal lagan ke bare me soch rahe hai toh. Use chote matra me kare udharan ke tour par – agar apke pas 1 acer jameen hai toh adhe 1/2 acer me fasal kare . Agar ap safal hote hai toh use bare tour pe kare or khub munafa kamaye.
Agar apke man me kheti se jude koi bhi sawal ho? Toh ap kisan call centre me phone karke bhi puch sakte hai . Kripya karke ap unka number note kar le :- 1800-180-1551. Ye call (nisulk rahega / free of cost).
